...

សេចក្តីជូនដំណឹង
គ្រឹះស្ថាន អិល ប៊ី ភី មីក្រូហិរញ្ញវត្ថុ ភីអិលសុី សូមប្រកាសជូនដំណឹងដល់អតិថិជននិងសាធារណជនទាំងអស់ឲ្យបានជ្រាបថា៖ អិល ប៊ី ភី មីក្រូហិរញ្ញវត្ថុ ភីអិលសុីជាគ្រឹះស្ថាន មីក្រូហិរញ្ញវត្ថុឯកជនមួយដែលបានបង្កើតឡើងដោយភាគទុនិកក្នុងព្រះរាជាណាចក្រកម្ពុជា។ ដូចនេះយើងខ្ញុំសូមប្រកាសថា អិល ប៊ី ភី មីក្រូហិរញ្ញវត្ថុ ភីអិលសុីគឺជាគ្រឹះស្ថានឯកជន មិនមែនជាគ្រឹះស្ថារបស់រដ្ឋាភិបាលទេ។ អាស្រ័យហេតុនេះ សូមអតិថិជន និងសាធារណជនទាំងអស់មេត្តាជ្រាបជាព័ត៌មាន។ រាជធានីភ្នំពេញ,​ ថ្ងៃទី១០ ខែកុម្ភៈ ឆ្នាំ២០១៧


...

                                                                                                          សេចក្ដីជូនដំណឹង
គ្រឹះស្ថាន អិល ប៊ី ភី មីក្រូហិរញ្ញវត្ថុ ភីអិលស៊ី សូមជម្រាបជូនដំណឹងដល់អតិថិជនទាំងអស់មេត្តាជា្របថា៖ ប្រសិនបើ​លោក​អ្នក​មិន​ពេញចិត្ត​នឹង​សេវាកម្ម​ដែល​ផ្តល់ដោយគ្រឹះស្ថាន លោកអ្នកអាចផ្តល់ជាមតិយោបល់ ប្តឹងតវ៉ា ការមិនពេញចិត្តលើផលិតផល ឬសេវាកម្មនោះ មកគ្រឹះស្ថានតាមរយៈការដាក់ពាក្យបណ្ដឹងជា ពីររបៀបគឺ បណ្តឹងផ្ទាល់មាត់ និងបណ្ដឹងជាលាយលក្ខអក្សរ តាមរយៈមធ្យោ​​​​​​​​​បាយដូចខាងក្រោម៖

• ទូរស័ព្ទមកកាន់លេខ : ០១០​ ៦១៨ ៨៦១
• សារអេឡិចត្រូនិច : complaint@lbpmicrofinance.com.kh
• Facebook Page : LBP MICROFINANCE Plc
• បុគ្គលិកផ្នែកសេវាអតិថិជន
• ប្រអប់បណ្ដឹងអតិថិជន
• និង អញ្ជើញមកកាន់ការិយាល័យទាំងអស់របស់គ្រឹះស្ថាន ដែលនៅជិតលោកអ្នកបំផុត ។

ដំណើរការបណ្ដឹងអតិថិជនត្រូវបានអនុវត្តដូចខាងក្រោម៖

• រាល់បណ្តឹងអតិថិជនទាំងអស់ត្រូវធ្វើឡើងមិនឱ្យលើសពី ៦០ថ្ងៃ បន្ទាប់ពីបញ្ហាត្រូវបានកើតឡើង
• បណ្តឹងផ្ទាល់មាត់របស់អតិថិជនទាំងអស់ត្រូវបានដោះស្រាយក្នុងអំឡុងពេល ២ថ្ងៃនៃថ្ងៃធ្វើការ ។ ក្នុងករណីបណ្តឹងផ្ទាល់មាត់មិនអាចដោះស្រាយបាន អតិថិជនត្រូវធ្វើការដាក់ពាក្យបណ្តឹងជាលាយលក្ខណ៍អក្សរ ។
• បណ្តឹងជាលាយលក្ខណ៍អក្សរ ត្រូវបានដោះស្រាយក្នុងអំឡុងពេលមិនលើសពី ៣០ថ្ងៃនៃថ្ងៃធ្វើការ បន្ទាប់ពីថ្ងៃទទួលបានពាក្យបណ្តឹង សូមទាញយកពាក្យបណ្ដឹងតាមតំណភ្ជាប់នេះ ។ គ្រឹះស្ថាននឹងជូនដំណឹងជាលាយលក្ខណ៍អក្សរអំពីលទ្ធផលនៃការដោះស្រាយបណ្ដឹងនោះ ។
• រាល់ព័ត៌មានរបស់អតិថិជនទាំងអស់ត្រូវបានរក្សាការសម្ងាត់ ។
• ដើម្បីទទួលបានរបៀបដាក់ពាក្យបណ្ដឹង សូមទាញយករបៀបដាក់ពាក្យបណ្ដឹងតាមតំណភ្ជាប់នេះ ។

...

​​                                        


                                                                    សេចក្ដីណែនាំស្ដីពីនីតិវិធីនៃការរាយការណ៍បណ្ដឹងវីស្សលប្ល៉ូវីង

         គណៈគ្រប់គ្រងជាន់ខ្ពស់របស់គ្រឹះស្ថាន អិល ប៊ី ភី មីក្រូហិរញ្ញវត្ថុ ភីអិលស៊ី សូមណែនាំ និងជូនដំណឹងដល់បុគ្គលិកគ្រប់កម្រិតទាំងអស់ អំពី “នីតិវិធីនៃការរាយការណ៍បណ្ដឹងវីស្សលប្ល៉ូវីង” ដូចខាងក្រោម៖

នីតិវិធី និងមធ្យោបាយនៃការរាយការណ៏

បុគ្គលិកអាចរាយការណ៍ពីការព្រួយបារម្ភរបស់ខ្លួន ឬសកម្មភាពមិនប្រក្រតី ឬភាពអសកម្មណាមួយដែលខ្លួនបានដឹងមកកាន់គណៈកម្មការវីស្សលប្ល៉ូវីង ដើម្បីដោះស្រាយ និងចាត់វិធានការណាមួយចំពោះបុគ្គលិកដែលជាជនបង្កតាមរយៈនីតិវិធី និងមធ្យោយណាមួយដូចខាងក្រោម៖

1. ​​​​​​​នីតិវិធីទី១: ការរាយការណ៍ដាក់ក្នុងប្រអប់សំបុត្រជាលាយលក្ខណ៍អក្សរ  តាមរយៈទម្រង់ដែលបានភ្ជាប់ជូនក្នុង QR code នៃសេចក្ដីណែនាំនេះ ឬសរសេរជាលិខិតទូទៅតាមដែលអាចធ្វើបាន ។
2. នីតិវិធីទី២: ការរាយការណ៍មកកាន់គណៈកម្មការវីស្សលប្ល៉ូវីង តាមរយៈ
   • ដោយផ្ទាល់មាត់            : មន្រ្តីប្រតិបត្តិតាម
   • ទំនាក់ទំនងទូរសព្ទ       : មន្រ្តីប្រតិបត្តិតាម
   • ផ្ញើសារតាមរយៈ             : (Telegram) ដូចមានភ្ជាប់ជូនក្នុង QR code ខាងក្រោម
   • ផ្ញើសារអ៊ីមែល                : compliance@lbpmicrofinance.com.kh

លំហូរនៃរាយការណ៍៖

• អ្នករាយការណ៍ ឬអ្នកប្តឹង ៖ បុគ្គលិកគ្រប់កម្រិតទាំងអស់នៅក្នុងគ្រឹះស្ថាន មានសិទ្ធិរាយការណ៍ពីសកម្មភាពមិនប្រក្រតីនានា ឬភាពអសកម្មគ្រប់រូបភាព ឬវិវាទណាមួយ ដូចមានចែងនៅក្នុងចំណុច៤ នៃគោលការណ៍ វីស្សលប្ល៉ូវីង ដែលអាចនឹងកើតឡើងនៅក្នុងគ្រឹះ​ស្ថា​ន ។ ហើយបុគ្គលិកទាំងអស់ត្រូវអនុវត្តនីតិវិធីដូចបានរៀបរាប់ខាងលើ និងដូចមានចែងក្នុង ចំណុច៥.១ នៃគោលការណ៍ វីស្សលប្ល៉ូវីង និងអាចប្រើប្រាស់ទម្រង់រាយការណ៍ដោយចូលទៅទាញយកតាមរយៈ QR code ដូចមានភ្ជាប់ជូនក្នុងសេចក្ដីណែនាំនេះ  ឬតាមទម្រង់ទូទៅតាមការសម្រេចចិត្តរបស់អ្នករាយការណ៍ ។  
• គណៈកម្មការដោះស្រាយបណ្តឹងវីស្សលប្ល៉ូវីង៖​ នៅពេលទទួលបានពាក្យបណ្តឹងតាមរយៈការបើកប្រអប់សំបុត្រ គណៈកម្ម​ការដោះស្រាយ​បណ្តឹង​​វីស្ស​ល​​​ប្ល៉ូវីង នឹងធ្វើការស៊ើបអង្កេត សាកសួរពីព័ត៌មាន កត់​ត្រាឱ្យ​បានលម្អិត ដើម្បីដោះ​ស្រាយព្រមទាំងរក្សាការសម្ងាត់ដល់អ្នករាយការណ៍ឱ្យបានល្អបំផុត និងធានាថា​គ្មាន​​ផល​ប៉ះ​ពាល់ណា​មួយដល់​អ្នក​រាយការណ៍ឡើយ ។ ក្នុងករណីគណៈកម្មការដោះ​​ស្រាយបណ្តឹង​វីស្សល​ប្ល៉ូ​វីង មិនអាចដោះស្រាយ​​បញ្ហា​នេះបាន ត្រូវ​បញ្ជូន​បន្តទៅក្រុមប្រឹក្សាភិបាល ។  
• ការស៊ើបអង្កេត និងដោះស្រាយវិវាទ៖ បន្ទាប់​​ពី​ទទួល​​​​​​​​​​​​​​​​​​​​​​​​​​បានបណ្តឹងវីស្សលប្ល៉ូវីង គណៈកម្មការដោះ​​ស្រាយបណ្តឹងវីស្សល​ប្ល៉ូវីង នឹងចាត់តាំងអ្នក​​​​តំណាងក្នុងការស៊ើបអង្កេតដើម្បីប្រមូលព័ត៌មានភស្តុតាងឱ្យបាន គ្រប់គ្រាន់ និងច្បាស់លាស់។ បន្ទាប់មកគណៈ​កម្ម​​ការដោះ​​ស្រាយបណ្តឹងវីស្សល​ប្ល៉ូវីង នឹង​បើកកិច្ចប្រជុំ​ពិនិត្យ និងពិភាក្សាស​ម្រេ​ច ដើម្បី​ជូន​ដំណឹងដល់អ្នករាយ​ការណ៍​ក្នុង​​រយៈ​ពេល​០៥​(ប្រាំ​ថ្ងៃ) ឬជូនដំណឹងដល់អ្នករាយ​ការណ៍ក្នុងរយៈពេលកំណត់ជាក់លាក់ណាមួយនៃថ្ងៃធ្វើការ ។ ក្នុង​ករណី​​សមាជិកនៃគណៈ កម្មការមានជាប់ពាក់​​ព័ន្ធនឹង​ការ​រាយ​​​ការណ៍សមាជិកនោះ នឹងមិនត្រូវចាត់តាំងឱ្យចូលរួមការ​ប្រជុំ​ពិនិត្យ និងពិភាក្សានេះទេ ។

កំណត់សម្គាល់

• ចំពោះអ្នករាយការណ៍ដែលមានបំណងមិនឱ្យដឹងពីអត្តសញ្ញាណសូមរាយការណ៍ជាអនាមិក ។
• ចំពោះបុគ្គលិកដែលមិនមានបំណងលាក់ពីអត្តសញ្ញាណទេ សូមជ្រើសរើសវិធីសាស្រ្តណាមួយក៏បានដែលខ្លួនពេញចិត្តរាយការណ៍ ។
• អ្នករាយការណ៍ មុននឹងសម្រេចចិត្តរាយការណ៍ត្រូវមានភស្តុតាង (ឧ. មានសាក្សី ឯកសារ សារសំឡេង មានការថតរូបជាដើម។ល។) ជៀសវាងមានការភ័ន្តច្រឡំ ។
• បុគ្គលិកទាំងអស់អាចសរសេរសំបុត្របណ្តឹងជាអនាមិកដោយខ្លួនឯងបាន ឬប្រើប្រាស់ទម្រង់នៃរាយការណ៍វីស្សលប្ល៉ូវីង ដែលអាចចូលទាញយកតាមរយៈតំណភ្ជាប់ជូនក្នុង QR code នៃសេចក្ដីណែនាំនេះ ។

...